Таррагонадаги шифохонада 18 августга ўтар кечаси автомобиль одамларни босиб кетиши оқибатида жабрланганлардан бири вафот этди. Каталония фавқулодда хизматининг маълум қилишича, вафот этган аёлнинг аҳволи оғир бўлган, деб хабар беради Meduza.
Каталониядаги терактлар оқибатида ҳалок бўлганларнинг умумий сони 14 кишига етди. Бундан ташқари, 5 нафар террорчи ҳам ўлдирилди.
Таррагонадаги шифохонада Камбрильсдаги теракт оқибатида жабрланган беш киши қолмоқда.
17 август куни Барселонадаги Рамбла туристик кўчасида фургон одамларни босиб кетди. Ҳодиса оқибатида 13 киши ҳалок бўлди ва 100 дан ортиқ одам жабрланди. Кейинроқ 18 августга ўтар кечаси Камбрильсда автомобилда одамлар устига босиб борган беш нафар террорчи йўқ қилинди.