Каталониядаги терактлар қурбонлари хотирасига бир дақиқа сукут сақлаш маросими бўлиб ўтди. Маросим Барселонадаги Каталунья майдонида туш пайти ўтказилди, деб хабар беради «Интерфакс».
Майдон атрофига минглаб одамлар тўпланди. Маросимда Испания қироли Фалипе VI, мамлакат ҳукумати раиси Мариано Рахой, Каталония раҳбари Карлес Пучдемон, Барселона мэри Ада Колау, Испания сиёсий партиялари етакчилари иштирок этди.
Бир дақиқалик сукут охирида акция иштирокчилари «Мен қўрқмайман!», дея ҳайқирди.
Маросимда мислсиз хавфсизлик чоралари кўрилди. Полиция унда иштирок этишни истаганларга Каталунья майдонига пиёда ва катта сумкаларсиз келишни тавсия қилди.
Испанияда 18 августдан бошлаб уч кунлик мотам эълон қилинди.
Эслатиб ўтамиз, Каталониядаги терактлар оқибатида 14 киши ҳалок бўлди ва 100 дан ортиқ одам жабрланди.
Изоҳ (0)