Жанубий Корея ва КХДР ўртасидаги мулоқот тикланиши лозим. Бу ҳақда мамлакат президенти Мун Чжэ Ин давлат раҳбари лавозимидаги 100 кунига бағишланган матбуот анжуманида маълум қилди, дея хабар беради «ТАСС».
«Мулоқот қайтадан бошланиши зарур. Бироқ бесабр бўлиш ярамайди. Ўнлаб йиллар мобайнида узилган алоқаларни тиклаш учун вақт ва анча-мунча уриниш талаб этилади», — таъкидлади Жанубий Корея президенти.
Мун Чжэ Ин ўз чиқиши давомида АҚШ Жанубий Корея билан келишмай КХДРга нисбатан жанговар ҳаракатларни бошламаслигига ишонтирди.
«АҚШ ва президент Дональд Трамп Жанубий Корея билан КХДРга нисбатан амалга ошириш ниятида бўлган ҳар қандай ҳатти-ҳаракатларни муҳокама этишга рози бўлди. Умуман олганда, Корея ярим оролида энди ҳеч қачон уруш бўлмайди», — деди Мун Чжэ Ин.
Изоҳ (0)