Барселона марказидаги теракт қурбонлари хотирасига Испанияда уч кунлик мотам эълон қилинди. Бу ҳақда мамлакат бош вазири Мариано Рахой маълум қилди, деб ёзади «ТАСС».
«Бизни мотам ҳамда бизнинг қадриятларимизни ва бизнинг ҳаёт тарзимизни оёқости қилганларни енгиш қатъияти бирлаштиради», — деди бош вазир, терроризм глобал таҳдид эканлиги, унга жавоб ҳам глобал бўлиши кераклигини қўшимча қилар экан.
Барселонада 17 август куни теракт юз берди: шаҳарнинг пиёдалар юрадиган асосий кўчаси — Рамблада юк машинаси катта тезликда пиёдалар устига бостириб борди. 13 киши ҳалок бўлди, 100 дан ортиқ киши жароҳатланди. Теракт учун жавобгарликни ИШИД террорчилик гуруҳи ўз зиммасига олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)