Чеченистон раҳбари Рамзан Қодиров ўз Instagram’ида Қуддусдаги Ал-Акса масжиди атрофидаги вазият нормаллашгани ҳақида гапириб берди. Масжидга шаҳарнинг Фаластин қисмидан кириш Исроил ҳукумати томонидан ёпиб қўйилган эди, деб ёзади «РБК».
Қодировнинг сўзларига кўра, унинг ёрдамчиси Аламбек Ясаев 30 июль, якшанба куни Қуддусда бўлиб, кўплаб видеоёзувлар олган ва масжидга кириш шартлари билан танишган.
«Видеоёзувлар унга муҳит тўлиқ барқарорлашгани ҳақида берилган маълумотни тасдиқлайди. Ал-Аксага кириш ва мажмуа ҳудудида бўлиш учун чекловлар йўқ», — деб ёзди Қодиров барча мусулмонларни осойишталикни сақлашга чақириб.
Июль ўртасида фаластинликлар икки полициячини ўлдиргач, Исроил ҳукумати Қуддуснинг Ибодатхона тоғидаги Ал-Акса масжидига киришни чеклаб қўйган эди. Бу диндорлар ва ҳуқуқ-тартибот органлари ходимлари ўртасида тўқнашувлар юзага келишига олиб келди.
Изоҳ (0)