АҚШ КХДР томонидан қитъалараро баллистик ракета учирилганига жавобан, Корея Республикасига вақтинчалик 12 та F-16 қирувчиларини жойлаштиради, деб ёзади «ТАСС» АҚШ Тинч океани ҳарбий-ҳаво кучлари қўмондонлигига таяниб.
Базаси Висконсин штатида жойлашган 176-қирувчи эскадриля самолётлари ва 200 га яқин ҳарбий хизматчилар августдан бошлаб тўрт ой давомида Сеулдан 180 км масофадаги Кунсан авиабазасига жойлаштирилади.
«Бу чора АҚШнинг минтақада хавфсизликни қўллаб-қувватлаш ва тинчликни сақлаш бўйича мажбуриятларига содиқлигини намойиш қилади», — дейилади хабарда.
Изоҳ (0)