Россия Ташқи разведка хизмати раҳбари Сергей Наришкин ИШИД етакчиси Абу Бакр ал-Бағдодийнинг ўлимини тасдиқламади. Бу ҳақда «Интерфакс» маълум қилди.
«Йўқ, бу борада менда ОАВда пайдо бўлган маълумотлардан бошқа ахборот йўқ», — деди Наришкин агентликнинг шу ҳақдаги саволига жавобан.
Россия мудофаа вазирлиги 16 июнь куни Сурияда май ойи охирида авиазарба натижасида, дастлабки маълумотларга кўра, ИШИД етакчиси Абу Бакр ал-Бағдодий ва гуруҳнинг 300 нафар жангариси ўлдирилганини эълон қилганди. Кейинчалик Россиянинг турли расмий шахслари ал-Бағдодий ўлими ҳозирча тасдиқланмаганлигини билдирди.
Пентагон раҳбари Жеймс Мэттис ҳам АҚШда ИШИД етакчиси ҳалок бўлганини исботловчи далиллар мавжуд эмаслигини маълум қилганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)