Фарғона шаҳрида яшовчи Н.Холиқова шаҳар ИИБ га Сайилгоҳ кўчасидаги авиакассада фирибгарлик ҳолати юзасидан мурожаат қилди. Бу ҳақда «Дарё»га Фарғона вилоят ИИБ матбуот хизмати маълум қилди.
Жабрланувчи 2017 йил 11 июнь куни ушбу авиакассадан Фарғона—Санкт-Петербург йўналишига 2 905 000 сўмга чипта харид қилгани, бироқ чипта қалбаки бўлиб чиққанини маълум қилди.
Суриштирувлар давомида Н.Холиқовага сохта чиптани авиакасса ходими Ф.Болтаев (исм-шариф шартли) фирибгарлик йўли билан сотганлиги аниқланди.
Унга нисбатан ЖКнинг 168-моддаси 1-қисми ва 228-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)