Американинг Техас штатида муҳожирларни ноқонуний равишда ташиган юк машинаси ҳайдовчисига, ўн кишининг ўлими туфайли, айбловлар эълон қилинди, у ўлим жазосига маҳкум этилиши мумкин, деб ёзади «РИА Новости».
Нашр эслатишича, аввалроқ Сан-Антонио полицияси юк машинаси тиркамасидан ўн кишининг жасадини аниқлаган эди, у ерда жами 30 дан ортиқ киши бўлган.
Штат ҳукумати маълумотларига кўра, қурбонлар сони ўсиши мумкин, чунки қутқариб олинганларнинг 20 га яқини оғир аҳволда, кўпчилик сувсизланган ва офтоб уришидан жабрланган.
Полицияга тиркамали юк машинаси келиб тўхтаган жой яқинидаги супермаркет ходимларидан бири мурожаат қилган.
Изоҳ (0)