AQShda ichida muhojirlar halok bo‘lgan yuk mashinasi haydovchisi o‘lim jazosiga hukm qilinishi mumkin

Amerikaning Texas shtatida muhojirlarni noqonuniy ravishda tashigan yuk mashinasi haydovchisiga, o‘n kishining o‘limi tufayli, ayblovlar e’lon qilindi, u o‘lim jazosiga mahkum etilishi mumkin, deb yozadi “RIA Novosti”.

Nashr eslatishicha, avvalroq San-Antonio politsiyasi yuk mashinasi tirkamasidan o‘n kishining jasadini aniqlagan edi, u yerda jami 30 dan ortiq kishi bo‘lgan.

Shtat hukumati ma’lumotlariga ko‘ra, qurbonlar soni o‘sishi mumkin, chunki qutqarib olinganlarning 20 ga yaqini og‘ir ahvolda, ko‘pchilik suvsizlangan va oftob urishidan jabrlangan.

Politsiyaga tirkamali yuk mashinasi kelib to‘xtagan joy yaqinidagi supermarket xodimlaridan biri murojaat qilgan.