Греция учун кредитлар ва мамлакат облигациялари хариди Германияга 1,34 миллиард евро даромад келтирди. Бу ҳақда «Корреспондент.net» хабар бермоқда.
Жумладан, Афинага KfW давлат банки орқали берилган кредит Берилинга 393 миллион евро атрофида фоиз келтирди. Европа марказий банкининг Греция облигацияларини сотиб олиш дастури доирасидаги Германия олган даромад улуши 952 миллион еврони ташкил этди.
Мамлакат бундестагидаги «яшиллар» фракцияси маҳаллий ҳукуматни ушбу фойдани Грецияга ўтказиб беришга чақирди.
«Германия Грециядаги инқироздан фойда олаётгани балки қонунийдир, бироқ ахлоқ ва бирдамлик нуқтаи назаридан олиб қараганда ҳеч бир қолипга сиғмайди», — деди «яшиллар»нинг бюджет масалалари бўйича эксперти Свен-Кристиан Киндлер.
Изоҳ (0)