Покистон бош вазирининг қизи Марям Навоз отасининг коррупцияга алоқадорлигини гўёки инкор этувчи ҳужжатларни қалбакилаштиришда гумон қилинмоқда. Бунга Марям ҳужжатлар тайёрланган пайт фойдаланишда бўлмаган Calibri шрифтини қўллагани сабаб бўлди, дея хабар беради TJournal.
Чоп этилган ҳужжатларни расмийлаштиришдаги номутаносибликлар ҳақида Покистон армияси, полицияси ва молиявий назоратчиларидан иборат қўшма тергов гуруҳининг шрифтлар бўйича экспертлари маълум қилди.
Уларга кўра, 2006 йилга доир ҳужжатларда 2007 йилдан кейингина урфга кирган шрифтдан фойдаланилган.
The Next Web нашрининг билдиришича, Покистон бош вазирига нисбатан илгари сурилаётган офшордаги ҳисоб рақамларга ноқонуний эгалик қилиш ва кўчмас мулк билан боғлиқ шаффоф бўлмаган келишувлар қаторига ҳужжатларни қасддан сохталаштириш ҳам қўшилди.
Изоҳ (0)