Берлиндаги Боде музейидан 100 килограммли олтин тангани ўғрилашга алоқадор бўлган камида икки киши қўлга олинди. Бу ҳақда «Газета.ru» хабар бермоқда.
Операцияда ҳуқуқ-тартибот идораларининг 300 га яқин ходими иштирок этди. Улар Германия пойтахтидаги бир неча бинода тинтув ўтказди.
Маҳаллий полиция матбуот котиби Винфрид Венселга кўра, икки гумонланувчи талончилик пайти видеокузатиш камераларига объективига тушган шахслар бўлиши мумкин. Тинтувлар давом этмоқда, бироқ танга ҳозирча топилмади. Экспертлар унинг эритиб юборилган бўлиши мумкинлигини тахмин қилди.
«Олтин заранг япроғи» тангасининг номинал қиймати 750 минг доллардан иборат. Бироқ биргина танганинг оғрилигини ҳисобга оладиган бўлса, унинг қиймати салкам 4, 5 миллион долларга етиши мумкин.
Изоҳ (0)