АҚШнинг Мичиган штати Шарқий округи суди Америка ҳукумати мамлакатдан қувиб чиқармоқчи бўлган ироқликларнинг АҚШдан депортация қилинишига вақтинчалик тақиқ киритиш ҳақида қарор чиқарди, деб ёзади «ТАСС».
Ўтган ҳафта судья Марк Голдсмит жорий йилнинг 11 июнида Детроит ҳудудида полиция томонидан қўлга олинган 114 нафар ироқликка нисбатан шундай қарорни қабул қилган эди. Энди Голдсмит ҳукумат судланганлиги учун депортация қилмоқчи бўлган барча Ироқ фуқаролари ва штатлар учун шундай тақиқни тарқатди. Чора 14 кунга киритилади, бу вақт ичида ушбу округ суди чекланмаган муддатга шундай тақиқни жорий қилиш учун ваколати бор-йўқлиги ҳақида якуний қарор қабул қилинади.
Ушбу иш президент Дональд Трампнинг Эрон, Ливия, Сомали, Судан, Сурия ва Яман фуқароларига АҚШга кириш учун виза бермаслик ҳақидаги фармонига алоқадор. Ироқликлар АҚШга қонуний асосда келган, аммо ҳукумат ушбу муҳожирлар аввал судланганлиги ва қонунларни бузганлигини аниқлади. Шу муносабат билан ҳукумат бу одамларни қўлга олиб, мамлакатдан депортация қилмоқчи эди. Бундай чора-тадбирлар жами 1,4 минг ироқликка нисбатан амалга оширилиши режалаштирилган эди.
Изоҳ (0)