Россия Шимолий флотининг «Юрий Долгорукий» сувости крейсери «Булава» қитъалараро баллистик ракетасини муваффақиятли учирди. Бу ҳақда «РИА Новости» хабар бермоқда.
Ракета, жанговар тайёргарлик режасига мувофиқ, сувости ҳолатида Баренс денгизидан Камчаткадаги Кура полигонига қарата учирилди.
Унинг парвоз траекторияси параметрлари белгиланган тартибда амалга оширилди. Ракета полигондаги нишонга муваффақиятли тарзда бориб етди.
Маълумот учун, «Юрий Долгорукий» крейсери мансуб бўлган «Борей» лойиҳаси кемалари 16 тагача «Булава-30» ракетасини элтишга қодир.