Дональд Трамп АҚШ Олий судининг иммиграция бўйича фармон қатор бандларига қўйилган тақиқни бекор қилишга рухсат берганини «соф ғалаба» деб атади. Бу ҳақда «Газета.ru» хабар бермоқда.
«Олий суд якдиллик билан чиқарган қарор миллий хавфсизлигимизнинг соф ғалабасидир. Бу қарор менга мамлакат мудофааси учун муҳим бўлган қуролдан фойдаланиш имкониятини беради», — деди АҚШ президенти.
Мазкур қарор Дональд Трампга мамлакатга 6 мамлакатдан (Эрон, Яман, Ливия, Сурия, Сомали ва Судан) муҳожирлар ва қочқинлар киришини қисман тақиқлашга рухсат беради.
Суд ҳукмига кўра, у ёки бу гуруҳларнинг мамлакатга киришини чекланган ҳажмда тақиқлаш АҚШ фуқароларининг манфаатларига таъсир кўрсатмайди, шу боис бундай тақиқ президент томонидан жорий этилиши мумкин. Фақатгина АҚШ фуқаролари билан у ёки бу муносабатда бўлган гуруҳлар ушбу тақиқдан истисно қилинади.
Суд томонидан Трамп илгари сураётган қонун лойиҳасининг маъқулланиши вақтинчалик кучга эга — иш октябрь ойида тўлиқ кўриб чиқилади, унга қадар эса суд қарори амал қилади.
Изоҳ (0)