Москва вилоятининг Раменский туманидаги Кратово посёлкасида отишма уюштирган шахс ИИВ ва Росгвардиянинг махсус операцияси давомида йўқ қилинди. Бу ҳақда Россия ИИВ расмий вакили Ирина Волк маълум қилди, деб хабар беради «ТАСС».
«ИИВ ва Росгвардиянинг махсус операцияси якунланди. Мерган ўлдирилди. У қўлга олиш чоғида фаол қаршилик кўрсатганди», — деди Ирина Волк.
Россия Тергов қўмитасига кўра, 10 июнь, шанба куни кундузги пайт эркак «Сайга» ов милтиғидан Кратово посёлкаси, Пушкин кўчасидаги уйидан ҳозирча номаълум сабаблар туфайли ўқ узишни бошлади. Бунинг оқибатида икки киши яраланди, яна бир жароҳат олган аёл касалхонада оламдан ўтди.
Россия ИИВ отишмада жами тўрт киши ҳалок бўлганини билдирди.
Изоҳ (0)