Бразилия олий сайлов суди йиғилиши маърузачиси Эрман Бенжамин президент Мишель Темер истеъфоси учун овоз берди. Шу тариқа у 7 нафар судья ичида биринчи бўлиб ўз фикрини билдирди, дея хабар беради «РИА Новости».
«Мен аниқланган камчиликлар туфайли президент жуфтлиги ғалабаси бекор қилиниши учун овоз бераман», — дея баёнот берди Эрман Бенжамин.
Гап Дилма Руссефф президент, Темер эса вице-президент этиб сайланган 2014 йилги сайлов кампанияси ноқонуний молиялаштирилиши текшируви ҳақида кетмоқда. Мазкур қонун бузилишлари тан олинган тақдирда суд ушбу сайловлар натижасини бекор қилиши ва Темерни президентлик мандатидан маҳрум этиши эҳтимоли мавжуд.
Темер Бразилия замонавий тарихидаги суд ёки қонунчилик органи ташаббуси билан лавозимини муддатидан олдин тарк этган учинчи ва йил давомидаги Руссеффдан кейинги иккинчи президент бўлиши мумкин.
Изоҳ (0)