12—13 июнь кунлари Остонада Сурия бўйича музокаралар ўтказилмайди

12—13 июнь кунлари Остонада Сурия бўйича музокаралар ўтказилмайди, улар кейинроқ бўлиб ўтади, деб ёзади Kazakhstan Today.

Россия, Туркия ва Эрон вакиллари яқин кун ва ҳафталарда Сурияда тўртта қуролсизланиш зонасини ташкил этиш бўйича эришилган келишувларга тааллуқли масалаларни мувофиқлаштириш бўйича ўз пойтахтларида ишчи учрашувларни давом эттиради.

«Кейинги босқичда кафил давлатлар Суриядаги вазиятни тартибга солиш бўйича Остона жараёнининг кейинги учрашуви кун тартиби, қатнашчилари, ишлаб чиқилган муддатлари ва босқичи тўғрисида Қозоғистон томонини хабардор этади», — дейди Қозоғистон ТИВ матбуот хизмати раҳбари Ануар Жайнаков.