Европанинг МSC Cruiseс компанияси дунёда энг кўп йўловчи кетадиган саёҳат кемасини қуриш борасидаги режаси билан бўлишди, деб хабар берди Daily Mail.
МSC Cruiseс STX France корпорацияси билан ҳамкорликда 2022 йилга қадар 2760 та бўлмага 6850 нафар йўловчи сиғадиган кемани яратиш ниятида. Ҳозирда дунёдаги энг катта саёҳат кемаси Harmoniy of the Seas бўлиб, унга 6780 нафаргача йўловчи сиғади.
Янги МSC Cruiseс кемасининг сув ҳажми 200 минг тоннани ташкил этади. Компания матбуот хизматининг аниқлик киритишича, кеманинг узунлиги 330 метр, эни 47 метр бўлади.
2022—2024 йилларга қадар бу каби кемалардан умумий миқдорда тўртта тайёрланади. МSC Cruiseс 2026 йилга бориб ушбу саёҳат кемаларидан яна учтасини қуришни режалаштирмоқда.
Ушбу кемалар Y ҳарфи шаклида қурилиб, йўловчилар оилайив ҳордиқ чиқариши учун махсус зоналар, ойнали сунъий ҳовуз, шунингдек, денгиз панорамасидан баҳраманд бўлишлари учун кеманинг бурун қисмидан жой ва бошқа шу каби қулайликлар билан таъминланади.
Изоҳ (0)