Мексика миллий таоми — такони тайёрлаш бўйича янги рекорд ўрнатилди

Мехикода жўхори ва қийма солиб пишириладиган Мексика миллий таоми — тако янги жаҳон рекордини ўрнатиш мақсадида 10 мингдан ортиқ порцияда тайёрланиб харидорларга етказиб берилди, дея хабар қилди «РИА Новости».

Эрта тонгдан 60 нафар ошпаз умумий оғирлиги 1,2 тоннадан ортиқ гўшт ишлатилган таомни пиширди. Шундан сўнг етказиб бериш бўйича онлайн-сервис таконинг ҳар бирини тўрт бўлакка бўлиб чиқди. Ушбу рекорд Гиннеснинг рекордлари китобининг минтақавий вакили томонидан қайд этилди.

10 минг буюртмани айтилган манзилларига етказиш учун атиги икки соат кифоя қилди.

Бундан олдинги рекорд 2015 йилда Сонора штатининг Эрмосильо шаҳрида ўрнатилган бўлиб, унда тако учун 1,1 тоннадан ортиқроқ гўшт сарфланган эди.