Хитойда йўловчи самолёти ишчилар техник хизмат кўрсатиш давомида шассига илиб қўйган ва ёддан чиқарган сумка билан парвоз қилди ҳамда қўнди. Бу ҳақда «Вести.ru « хабар бермоқда.
Ҳодиса 22 май куни Пекин — Ланчжоу рейсини бажарган Air China самолёти билан рўй берди. Хитой пойтахтининг «Шоуду» аэропортида ҳаво кемаларига техник хизмат кўрсатадиган Аmeco кампанияси логотипи туширилган сумка шассида осилиб тургани фотолари ижтимоий тармоқларда тарқалди.
Фотога илова қилинган матнда сумкани самолёт кўтарилаётганда ва қўнаётганда соатига 100 километр тезликдаги шамол учириб кетолмагани билдирилган.
Назарий жиҳатдан олиб қараганда, унутиб қолдирилган сумка шасси очилиши ва ёпилишида жиддий техник муаммоларга олиб келиши мумкин.
Пекин ва Ланчжоу оралиғидаги масофа 1500 километр чиқади, икки шаҳар ўртасидаги парвоз 2,5 соат давом этади.
Изоҳ (0)