Овга ўқ-ёй билан отланган Канада фуқароси дарғазаб айиқ қурбонига айланишига оз қолди. Юз берган ҳодисани у камерага туширишга улгурди, дея хабар беради «Вести.ru».
Онтариода яшовчи Ричард Уэсли интернетга жойлаган видеода барибал қора айиғи дастлаб овчини пайқамай, бир неча ўн метр нарида юрганини кўриш мумкин.
Йиртқич яқинлаша бошлаганида Уэсли аввалига баланд овоз билан уни чўчитмоқчи бўлди. Бироқ айиқ тўғри эркак томонга қараб югурди ва унга ташланди. Уэсли охирги лаҳзада жониворга ўқ узишга уринди, бироқ буни эплолмади.
Канадаликнинг бахтига, қисқа олишувдан сўнг айиқнинг унга бўлган қизиқиши йўқолди ва ортига қайтди. Натижада эркакнинг фақат тирсаги лат еди, холос.
Изоҳ (0)