Салмон Обидийнинг укаси Манчестерда тайёрланаётган теракт ҳақида билган, бироқ бу қачон ва қаерда содир бўлишидан бехабар бўлган. Бу ҳақда Ливия аксилтеррор бўлинмаси расмий вакили Аҳмад Доғдуғ маълум қилди, дея хабар беради «РИА Новости».
Расмий вакилга кўра, Хошим Обидий бу ҳақда Ливиядаги сўроқ чоғида айтиб берди. Шунингдек, у портловчи қурилма қандай тайёрланганини билган ва акасини уни мустақил равишда йиғганини тахмин қилди.
Ака-укалар жуда яқин бўлган: терактдан ярим соат аввал Салмон укаси ва онаси билан телефон орқали боғланишга ҳаракат қилган.
Ливия расмийларининг билдиришича, ака-укалар ўзларини ИШИД аъзоси ҳисоблаган ва жангариларнинг интернетдаги видеолари, жумладан, портловчи қурилма тайёрлаш ҳақидаги лавҳаларни ўрганган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)