Номаълум хакер АҚШнинг Техас штатидаги Даллас шаҳри хавфсизлик тизимини бузди ва шаҳарнинг 156 та сиренасини масофадан бошқариш имкониятини қўлга киритиб, уларни энг баланд овозда ишга тушириб юборди. Бу ҳақда USA Today хабар берди.
Нашр томонидан хабар қилинишича, хавф-хатар ва табиий офатлар ҳақида огоҳлантирувчи қурилмалар шанба куни кечаси тунги соат 23:00 дан ярим тунгача ишлаган. Хакер ҳар бир сиренани 60 мартадан ишга туширган.
Қўрқувга тушган одамлар қутқарув хизматига қўнғироқ қилиб нима бўлаётганини тушунтиришга ҳаракат қилган. Қутқарув хизматига тахминан 4,4 мингта қўнғироқ амалга оширилган.
Даллас мэри Майк Ролингс номаълум хакер фавқулотда огоҳлантириш тизимини ишдан чиқаришга ҳаракат қилганини маълум қилди ва айбдорларни излаб топишини ва уларни судга беришни ваъда қилди. «Бу шаҳримизнинг технологик инфратузилмасини янгилашимиз ва унинг ҳимоясини яхшилашимиз кераклигини кўрсатувчи жиддий мисол», — деб қўшимча қилди Ролингс.
Бироқ, Даллас фавқулодда вазиятлар бошқармаси бошлиғи Рокки Вазнинг сўзларига кўра, хакерни топиш осон бўлмайди. Айбдорни топгунча кўп вақт ўтиб кетади.
Шаҳар сиреналари душанбадан бошлаб одатий тартибда ишламоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)