Чехиянинг Швейцария ва Лихтенштейндаги элчиси Карел Борувка тушунтириш бериши учун ўз ватанига чақириб олинди. Бу ҳақда «Газета.ru» хабар бермоқда.
Элчининг сўзларига кўра, мазкур чора унинг хотини ижтимоий тармоқларда жуда фаол экани билан боғлиқ.
«Чехия Ташқи ишлар вазирлиги хотинимнинг ижтимоий тармоқлардаги фаоллиги учун мени жазоламоқда. Бунга ақл бовар қилмайди. Чехия дипломатиясида авваллари шундай ҳол кузатилганини эслай олмайман. Дипломатик корпус бўйича ҳамкасбларим ҳам шунга ўхшаш бирор воқеани билмайди. Бунда гап ТИВ ходими ҳисобланган аёлимнинг ҳуқуқлари ҳақида бормоқда», — деди элчи.
Борувканинг қўшимча қилишича, Чехия ТИВ раҳбарияти элчининг фаолиятидан доими мамнун бўлиб келган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)