«Чегара билмас шифокорлар» халқаро гуманитар ташкилотининг маълум қилишича, Суриянинг Хама вилоятидаги госпиталга берилган авиазарба оқибатида камида икки киши, хусусан, бир шифокор ҳалок бўлган. Бу ҳақда «РИА Новости» хабар бермоқда.
Ташкилот маълумотларига кўра, касалхона устига бомба вертолётдан ташланган.
«Бундай амалиёт халқаро ҳуқуқ билан тақиқланганига қарамай, касалхоналарни бомбардимон қилиш Сурияда одатий ҳолга айланиб қолди. Тиббий хизматлар бу каби такрорланиб турувчи ҳужумлардан жиддий азият чекмоқда», — деди ташкилотнинг Суриядаги миссияси раҳбари Массимилиано Ребауденго.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)