Республикачилар партиясининг Обама маъмурияти тиббий суғурта тизимига муқобил сифатида кўрилаётган қонун лойиҳаси АҚШ бюджети дефицитини 337 миллиард долларга қисқартириш имконини беради, бироқ мамлакатнинг 62 миллион аҳолисини тиббий суғуртасиз қолдиради. Бу ҳақда «Коммерсантъ» хабар бермоқда.
АҚШ Конгресси бюджет бошқармаси ҳисоботига кўра, 2026 йилгача харажатлар 1,2 триллион долларга қисқаради, шу билан бирга, даромадлар ҳам 0,9 триллион долларга камаяди. Фуқаролар учун суғурта қиймати уч йил мобайнида ошиб боради, бироқ 2026 йилга келиб номинал кўринишда пасаяди.
АҚШ соғлиқни сақлаш вазири Том Прайс ва Конгресс вакиллар палатаси спикери Пол Райан ҳисобот хулосаларини танқид остига олди. Прайс уларга умуман қўшилмаслигини билдирган бўлса, Райан қонун лойиҳаси нархлар пасайишини таъминлаши ва сифатли ҳамда мақбул тиббий хизматни таъминлашини таъкидлади.
Маълумот учун, Obamacare бекор қилиниши режаси Республикачилар партияси вакиллари томонидан жорий йил 7 март куни тақдим этилди.
Изоҳ (0)