Сурия Манбижида махсус операция ўтказаётган Туркия армияси шаҳар атрофидаги бир неча қишлоқда назорат ўрнатди. Бу ҳақда «Коммерсантъ» хабар бермоқда.
«Қуролли кучларимиз охирги пайтларда ақл бовар қилмас операцияларни амалга оширди. Манбижни суриялик курдлар тарк этиши ва бу ерга маҳаллий аҳоли қайтишига умид қиламиз. Биз энди террорчиликка қарши музокаралар столи атрофида ҳам, қуруқликда ҳам курашмоқдамиз», — дея таъкидлади Туркия президенти Ражаб Тоййиб Эрдўғон A-Haber телеканали эфирида.
Туркия раҳбарига кўра, «операция давом этади ва мамлакат президентлик бошқаруви тизимига ўтгач, бу жараён яна жадаллашади».
Эслатиб ўтамиз, Сурия ҳукумати Манбиж шаҳри ғарбида суриялик ҳарбий хизматчилар марралари ўққа тутилганидан сўнг БМТдан турк қўшинлари мамлакатдан чиқарилишини талаб қилди.
Изоҳ (0)