Индонезиянинг Суматра ороли шимолидаги Банда-Ачех шаҳридан 327 километр ғарбда, Бенгал кўрфази акваториясида 6,3 магнитудали зилзила рўй берди. Бу ҳақда Россия Фанлар академияси Ягона геофизика хизмати Олтой-Саян филиали маълум қилди, дея хабар беради «Интерфакс».
14 март, сешанба куни Тошкент вақти билан соат 7:51 да қайд этилган зилзила эпимаркази 6.20 даража шимолий кенглик ва 92.43 даража шарқий узунлик координаталарига эга бўлган.
Эпимарказдаги тебранишлар шиддати бўйича сейсмик ҳодиса «вайронкор» деб баҳоланди.
Изоҳ (0)