Европа лигаси. «Юнайтед», «Шальке» ва «Краснодар» кейинги босқичга йўлланма олди

Нуфузи жиҳатдан Европа клублари мусобақалари орасида иккинчи бўлган Европа лигасида 1/16 финалнинг 3 та жуфтлигида барча масала ҳал этилди.

Чемпионлик учун асосий даъвогарлардан бири сифатида эътироф этилаётган «Манчестер Юнайтед» Францияда «Сент-Этьен» меҳмони бўлиб, Мхитарян томонидан урилган ягона гол эвазига зафар қучди. Томонларнинг «Олд Траффорд»да кечган ўйинида «қизил иблислар» йирик — 3:0 ҳисобидаги ғалабани тантана қилганди.

Одил Аҳмедовсиз қолган Россиянинг «Краснодар» клуби ўз уйида «Фенербаҳче» устидан минимал ҳисобида зафар қучганди. Томонларнинг Туркиядаги ўйинида ғолиб аниқланмади — 1:1. Шу тариқа турк клуби Европа лигасини тарк этди.

Куннинг сўнгги ўйинида Германиянинг «Шальке» клуби дуранг ўйнаб ҳам, навбатдаги босқичга йўлланма олди. Боиси Бундеслига аъзоси Грецияда 3 та гол фарқи билан зафар қучишнинг уддасидан чиқа олганди.

Европа лигаси 1/16 финал 22 февраль, чоршанба

«Шальке» (Германия) — «ПАОК» (Греция) 1:1

«Фенербаҳче» (Туркия) — «Краснодар» (Россия) 1:1

«Сент-Этен» (Франция) — «Манчестер Юнайтед» (Англия) 0:1