Англия кубоги. «Челси» кейинги босқичда, «Лестер»дан навбатдаги мағлубият, «Манчестер Сити» қуйи лига клубини мағлуб эта олмади

Футбол бўйича Англия кубогининг 1/8 финал босқичи доирасида 5 та ўйин бўлиб ўтди. Унга кўра, 4 учрашувда ғолиб аниқланган бўлса, 1 та учрашув дуранг билан ниҳоясига етгани учун қайтадан ўтказилади.

Лондоннинг «Челси» жамоаси «Вулверхэмптон» меҳмони бўлиб, қийинчиликсиз ғалаба қозонди. Педро ва Диего Коста томонидан урилган голлар лондонликларни кейинги босқичга олиб чиқди.

«Манчестер Сити» жамоаси қуйи лига вакили «Ҳаддерсфилд» клуби меҳмони бўлиб, ортга ғалаба билан қайта билмади. Хосеп Гвардиола шогирдлари эндиликда бу жамоа билан қайтадан ўйин ўтказади.

Амалдаги Англия чемпиони «Лестер Сити» эса қуйи лига вакили «Миллуолл» меҳмони бўлиб аламли мағлубиятга учради. Учрашув тақдирини ўйиннинг 90-дақиқасида киритилган ягона гол ҳал қилди.

Англия кубоги1/8 финал18 февраль, шанба

«Вулверхэмптон» — «Челси» 0:2

Голлар: Педро, 65 (0:1). Диего Коста, 89 (0:2)

«Миллуолл» — «Лестер» 1:0

Гол: С.Куммингс, 90 (1:0).

Четлатиш: Ж.Купер, 67 (М).

«Бёрнли» — «Линкольн Сити» 0:1

Гол: С.Раггет, 89 (0:1).

«Мидлсбро» — «Оксфорд Юнайтед» 3:2

Голлар: Г. Ледбиттер, 26 (1:0). Р. Гестед, 34 (2:0). C. Магуаир, 64 (2:1). А. Мартинес, 65 (2:2). К. Стуани, 86 (3:2).

«Ҳаддерсфилд» — «Манчестер Сити» 0:0

Бугун, 19 февраль якшанба куни яна 2 та ўйин — «Блэкберн» — «Манчестер Юнайтед» ҳамда «Фулхэм» — «Тоттенҳэм» жамоалари ўртасида бўлиб ўтади.

«Дарё»нинг Telegram’даги расмий канали — @toshqindaryo’га аъзо бўлинг!