Гавайи оролларида бўлиб ўтаётган теннис бўйича Федерация кубогининг АҚШ ва Германия терма жамоалари ўртасидаги ўйини олдидан адашиб, Германиянинг замонавий мадҳияси ўрнига учинчи Рейх мадҳияси янгради. Бу ҳақда TJournal хабар бермоқда.
Мазкур ҳолатни ўйинда иштирок этаётган икки спортчи — германиялик Андреа Петкович ва америкалик Элисон Риске қоралади. АҚШ теннис ассоциациясидан расман кечирим сўраши талаб этилди.
Ассоциация ўз хатосини тан олди ва спортчилар ҳамда мухлислардан узр сўради. Юз берган ҳолат тасодиф эканлиги ва бошқа қайтарилмаслигига ишонтирилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)