Францияда Туниснинг мамлакатдаги консулига ҳужум уюштирилди. Бу ҳақда «ТАСС» хабар бермоқда.
Le Parisien нашрига кўра, қуролланган эркак тўппонча билан консулга унинг иш кабинетида таҳдид қилган. У дипломат билан учрашувга гўё оилани бирлаштириш масаласида келгани, бироқ кейинчалик офисда қўлига тушган нарсаларни вайрон эта бошлагани, шундан сўнг тўппонча чиқариб, дипломатга пўписа қилгани билдирилмоқда.
Ҳужум қилган шахс консуллик хавфсизлик ходимлари томонидан зарарсизлантирилди ва ҳибсга олинди. Полиция теракт эҳтимолини истисно этди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.