Рио-де-Жанейрода Греция элчисининг ёниб кетган автомобили ичидан жасад топилди

Рио-де-Жанейрода бедарак йўқолган Грециянинг Бразилиядаги элчиси Кириакос Амиридис ижарага олган ва ёниб кетган автомобиль топилди. Машина салонида жасад борлиги аниқланди. Бу ҳақда «РБК» хабар бермоқда. 

Топилган жасад экспертизага жўнатилди. Globo телеканалига кўра, ёнган автомобиль аломатлари элчи ижарага олган машина билан мос келади.

Греция элчихонаси вакиллари Амиридис Рио-де-Жанейрога турмуш ўртоғи билан биргаликда таътилини ўтказиш учун келганини билдирмоқда. Рафиқасининг айтишига қараганда, эри 26 декабрь куни чиқиб кетган ва шу билан қайтиб келмаган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.