Ўзбекистонда об-ҳавонинг кескин совиши ва қалин қор ёғиши оқибатида мамлакат бўйлаб автотранспорт қатнови оғирлашди.
Хусусан, «Даракчи.uz»нинг Facebook’даги автоҳаваскорларнинг гуруҳларига асосланиб ёзишича, «Тошкент — Қашқадарё» йўналишида қатновчи енгил автомобилларда йўл ҳақи бир киши учун 120 минг сўмгача кўтарилиб кетган.
Фойдаланувчилар нафақат вилоятларга қатнайдиган енгил автомобиллар, балки Тошкент шаҳри ичида ҳаракатланаётган таксилар ҳам йўл ҳақини оширганини маълум қилган.
«Кимдир бу ҳолатни қораласа, яна кимдир ҳайдовчиларга ён босмоқда», — деб ёзади «Даракчи.uz».
«Такси киммат эмиш. Мен эрталаб шахсий ишим билан чиқиб келдим, фақат 2—3-тезликда юрса бўлади. Шунда қанча бензин сарф қилинади, қани, биладиганлар айтсин! Бундай ҳавода йўл ҳақи уч баравар қиммат бўлиши табиий ҳол», — деб ёзади фойдаланувчилардан бири.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)