Эрон полицияси АҚШ автомобиллари, шунингдек, мазкур мамлакатда ишлаб чиқарилган немис ва япон машиналарига рўйхатдан ўтказиш белгилари беришни тўхтатди. Бу ҳақда Motor хабар бермоқда.
«АҚШ ҳудудида ишлаб чиқарилган барча транспорт воситалари, жумладан, Honda ва Toyota автомобиллари учун рақамли белгилар берилиши ман этилди. Бу қарор июлда қабул қилинганди. Энди ҳатто мамлакатга божхона орқали қонуний равишда келтирилган машиналар ҳам рўйхатдан ўтолмайди», — дея Япониянинг The Japan Times нашрига маълум қилди Эрон полицияси вакили.
Эрон автомобиль импортчилари ижрочи директори Фарҳод Эҳтишомзодага кўра, полиция тақиқи юридик асосга эга эмас ва оятуллоҳ Али Хоманаий кўрсатмаларигагина таянган. Охирги бир неча ойнинг ўзида мамлакат фуқаролари АҚШда ишлаб чиқарилган 500 га яқин япон ва немис автомобилларини буюртма қилди. Уларнинг умумий қиймати 12 миллион долларга боради.
Маълумот учун, Эронда рақамли белгиларсиз транспортни бошқариш жиноят ҳисобланади ва бир йилгача муддатга қамоқ билан жазоланади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)