Intel яқин икки йил мобайнида ҳайдовчисиз автомобиллар лойиҳаларига 250 миллион доллар ажратишга тайёр. Бу ҳақда компания раҳбари Брайан Кржанич Лос-Анжелес автошоусидаги чиқиши чоғида маълум қилди, дея хабар беради 3Dnews.
Инвестициялар кенг кўламдаги истиқболли технологиялар, жумладан, келгуси авлод коммуникациялари, чуқур ўргатиш, хавфсизликни ривожлантиришга ёрдам беради. Шунингдек, Intel буюмлар интернетини жорий этишга ҳам алоҳида эътибор беради. Бу эса, ўз навбатида харажатларни қисқартириш, транспорт самарадорлигини ошириш, йўлларда хавфсизликни яхшилашга имконият туғдиради.
Маълумот учун, Intel технологиялари ҳозирнинг ўзида BMW, Daimler, Hyundai, Infiniti, Jaguar XF, Kia, Lexus, Mini Cooper, Rolls-Royce, Toyota, Tesla ва бошқа кўплаб автокомпаниялар томонидан фойдаланилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)