Бугун,

  • USD 11095.31
  • RUB 173.84
  • EUR 10772.44

Футбол бўйича Англия Премьер-Лигасининг 13-тури доирасида 6 та беллашув бўлиб ўтди.

Фото: Getty Images

Фото: Getty Images

Лигада пешқадам бўлиб турган «Челси» Лондон дербисида «Тоттенҳэм»га қарши саф тортди. Бунга қадар «шпорлар» бирорта учрашувда мағлуб бўлмаганди. «Челси» эса олти ўйиндан буён ўз дарвозасидан гол ўтказмаётганди. Учрашувда ҳар икки анъана йўққа чиқарилди ва «Челси» пешқадамлигини сақлаб қолди.

«Манчестер Сити» футболчилари Серхио Агуэронинг дубли эвазига иродали ғалабани қўлга киритди. Қизиқ факт шундан иборатки, Агуэро Англияга ташриф буюрганидан сўнг Премьер-Лига доирасида 30 та клубга қарши беллашувда майдонга тушган ва шундан 29 тасига гол ура олган. Фақатгина «Болтон» клубига гол уриш аргентиналик ҳужумчига насиб қилмаган.

«Челси»ни таъқиб қилишда давом этаётган «Ливерпуль» ўз майдонида «Сандерленд» устидан зафар қучиб, рақибини сўнгги ўринга тушириб юборди. Юрген Клопп шогирдларидан Дивок Ориги ва Жеймс Мильнер муваффақият қозонди.

Мамлакатнинг амалдаги чемпиони «Лестер» ўз майдонида дебютант клубни таслим қила олмади. Беллашувда жазоирлик футболчиларнинг пенальтидан урган голлари Клаудио Раньери жамоасини мағлубиятдан қутқариб қолди.

Турнинг энг қизиқарли ўйини Уэльсда бўлиб ўтди. Турнир жадвалида сўнгги ўринни эгаллаб турган «Суонси» даҳшатли камбэк эвазига зафар қучиб, бир поғона юқорига кўтарилиб олди.

Англия Премьер-Лигаси 13-тур беллашувлари 26 ноябрь, шанба

«Бёрнли» — «Манчестер Сити» 1:2

Голлар: Дин Марни, 14 (1:0). Серхио Агуэро, 37 (1:1). Серхио Агуэро, 60 (1:2).

«Халл Сити» — «Вест Бромвич» 1:1

Голлар: Гарет Маколи, 34 (0:1). Майкл Доусон, 72 (1:1).

«Лестер» — «Мидлсбро» 2:2

Голлар: Альваро Негредо, 13 (0:1). Риёд Маҳрез, 34-пен (1:1). Альваро Негредо, 71 (1:2). Ислам Слимани, 90+4-пен (2:2).

«Ливерпуль» — «Сандерленд» 2:0

Голлар: Дивок Ориги, 75 (1:0). Жеймс Мильнер, 90-пен (2:0).

«Суонси» — «Кристал Пэлас» 5:4

Голлар: Уилфрид Заха, 19 (0:1). Гильфи Сигурдссон, 36 (1:1). Лерой Фер, 66 (2:1). Лерой Фер, 68 (3:1). Жеймс Томкинс, 75 (3:2). Жек Корк, 82-авт (3:3). Кристиан Бентеке, 84 (3:4). Фернандо Льоренте, 91 (4:4). Фернандо Льоренте, 93 (5:4).

«Челси» — «Тоттенҳэм» 2:1

Голлар: Кристиан Эриксен, 11 (0:1). Педро Родригес, 45 (1:1). Виктор Мозес, 51 (2:1).

27 ноябрь, якшанба«Уотфорд» — «Сток Сити»«Арсенал» — «Борнмут»«Манчестер Юнайтед» — «Вест Ҳэм»«Саутгемптон» — «Эвертон»

Фото: Livescore.in

Фото: Livescore.in

Изоҳ
Асосий янгиликлар
Спорт
Tata Steel Чесс 2023. Нодирбек Абдусатторов америкалик рақиби билан дуранг ўйнади ва ҳамон мусобақа пешқадами бўлиб турибди. Жавоҳир Синдоровда ҳам дуранг
Маҳаллий
Сурхондарёдан топилган айиқ боласи зоопаркка топширилди
Маҳаллий
Ўзбек тили дарслигида мусиқа асбоблари номи хато ёзилгани айтилди (видео)