Futbol bo‘yicha Angliya Premyer-Ligasining 13-turi doirasida 6 ta bellashuv bo‘lib o‘tdi.
Ligada peshqadam bo‘lib turgan “Chelsi” London derbisida “Tottenhem”ga qarshi saf tortdi. Bunga qadar “shporlar” birorta uchrashuvda mag‘lub bo‘lmagandi. “Chelsi” esa olti o‘yindan buyon o‘z darvozasidan gol o‘tkazmayotgandi. Uchrashuvda har ikki an’ana yo‘qqa chiqarildi va “Chelsi” peshqadamligini saqlab qoldi.
“Manchester Siti” futbolchilari Serxio Agueroning dubli evaziga irodali g‘alabani qo‘lga kiritdi. Qiziq fakt shundan iboratki, Aguero Angliyaga tashrif buyurganidan so‘ng Premyer-Liga doirasida 30 ta klubga qarshi bellashuvda maydonga tushgan va shundan 29 tasiga gol ura olgan. Faqatgina “Bolton” klubiga gol urish argentinalik hujumchiga nasib qilmagan.
“Chelsi”ni ta’qib qilishda davom etayotgan “Liverpul” o‘z maydonida “Sanderlend” ustidan zafar quchib, raqibini so‘nggi o‘ringa tushirib yubordi. Yurgen Klopp shogirdlaridan Divok Origi va Jeyms Milner muvaffaqiyat qozondi.
Mamlakatning amaldagi chempioni “Lester” o‘z maydonida debyutant klubni taslim qila olmadi. Bellashuvda jazoirlik futbolchilarning penaltidan urgan gollari Klaudio Ranyeri jamoasini mag‘lubiyatdan qutqarib qoldi.
Turning eng qiziqarli o‘yini Uelsda bo‘lib o‘tdi. Turnir jadvalida so‘nggi o‘rinni egallab turgan “Suonsi” dahshatli kambek evaziga zafar quchib, bir pog‘ona yuqoriga ko‘tarilib oldi.
Angliya Premyer-Ligasi 13-tur bellashuvlari 26-noyabr, shanba
“Byornli” — “Manchester Siti” 1:2
Gollar: Din Marni, 14 (1:0). Serxio Aguero, 37 (1:1). Serxio Aguero, 60 (1:2).“Xall Siti” — “Vest Bromvich” 1:1
Gollar: Garet Makoli, 34 (0:1). Maykl Douson, 72 (1:1).“Lester” — “Midlsbro” 2:2
Gollar: Alvaro Negredo, 13 (0:1). Riyod Mahrez, 34-pen (1:1). Alvaro Negredo, 71 (1:2). Islam Slimani, 90+4-pen (2:2).“Liverpul” — “Sanderlend” 2:0
Gollar: Divok Origi, 75 (1:0). Jeyms Milner, 90-pen (2:0).“Suonsi” — “Kristal Pelas” 5:4
Gollar: Uilfrid Zaxa, 19 (0:1). Gilfi Sigurdsson, 36 (1:1). Leroy Fer, 66 (2:1). Leroy Fer, 68 (3:1). Jeyms Tomkins, 75 (3:2). Jek Kork, 82-avt (3:3). Kristian Benteke, 84 (3:4). Fernando Lyorente, 91 (4:4). Fernando Lyorente, 93 (5:4).“Chelsi” — “Tottenhem” 2:1
Gollar: Kristian Eriksen, 11 (0:1). Pedro Rodriges, 45 (1:1). Viktor Mozes, 51 (2:1).27-noyabr, yakshanba“Uotford” — “Stok Siti”“Arsenal” — “Bornmut”“Manchester Yunayted” — “Vest Hem”“Sautgempton” — “Everton”
Izoh (0)