АҚШ Конгресси вакиллар палатаси Boeing самолётларини Эронга сотиш ва лизингга беришни ман этувчи қонун лойиҳасини қабул қилди. Бу ҳақда Bloomberg хабар бермоқда.
Республикачилар партияси томонидан ишлаб чиқилган ҳужжатни ёқлаб 243 конгрессмен овоз берди, 174 киши қарши чиқди.
«Америкалик солиқ тўловчилар, банк тизими террорчиликнинг дунёдаги энг катта ҳомийларидан бўлган давлатга бизга номаълум мақсадларда ишлатилиши мумкин бўлган самолётларни харид қилишда ёрдам бермаслиги керак», — дея таъкидлади палата аъзоси, республикачи Боб Долд.
Лойиҳа сенат томонидан кўриб чиқилади ва маъқулланган тақдирда имзолаш учун АҚШ президентига юборилади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)