Жанубий Корея прокуратураси 18 ноябрь, жума куни Samsung компаниясининг Стратегик режалаштириш бўлими раҳбари Чан Чжун Гини Корея Республикаси президенти Пак Кин Хе атрофидаги коррупция можароси туфайли сўроқ қилди, деб ёзади «ТАСС» «Рёнхап» агентлигига таяниб.
Чан Чжун Ги Сеул прокуратураси биносига бориб, Чхве Сун Силь иши бўйича кўрсатмалар берди.
Аввалроқ Жанубий Корея прокуратураси мамлакат президенти Пак Кин Хе ва давлат қарорларига ноқонуний равишда таъсир кўрсатишда гумонланаётган дугонаси Чхве Сун Силь билан боғлиқ сиёсий можарони тергов қилиш доирасида Samsung компанияси офисларида текширув ўтказган эди.
Жанубий Корея прокурорлари Samsung президент дугонасининг қизига молиявий ёрдам берган-бермаганини текширди. Аввалроқ Samsung Чхве Сун Силь ва унинг қизи эгадошлик қиладиган компанияга 2,8 миллион евро тақдим этгани ҳақида тасдиқланмаган маълумот пайдо бўлган эди.
Изоҳ (0)