Туркия президенти Ражаб Тоййиб Эрдўғон Ғарб мамлакатларини ИШИД террорчилик гуруҳини қўллаб-қувватлашда айблади, деб ёзади «ТАСС». Бу ҳақда у Покистон парламентида сўзлаган нутқида айтиб ўтди.
«ИШИД қўллаётган қурол Ғарбда ишлаб чиқарилган, — дея қўшимча қилди Туркия президенти. — Буларнинг барчаси ислом дунёсига қарши қилинмоқда».
Туркия етакчиси унинг мамлакати ўз ҳудудида, Сурияда ва Ироқда ИШИДга қарши жиддий жанг олиб бораётганини таъкидлади. «Бу ташкилот ислом билан ҳеч қандай боғлиқликка эга эмас, — деди Эрдўғон. — Ҳеч ким исломга уларчалик катта зарар етказмайди».
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)