АҚШнинг Consumer Reports нашри автомобилларнинг ишончлилик рейтингини тузди. Таҳлилчилар бу борада машина эгаларининг интернет орқали сўрови натижаларига таянди. Бу ҳақда «Ўзавтосаноат» ахборот хизмати хабар бермоқда.
Америкаликлар наздида энг ишончли автомобиллар биринчи ва иккинчи ўринни эгаллаган япон моделлари бўлиб чиқди: Lexus ва Toyota камдан-кам бузилган ва панд берган. Шунингдек, ишончга сазовор машиналар рўйхатида Buick, Audi, Kia, Mazda, Hyundai ва Infiniti қайд этилган.
Рейтингдаги 29 бренд орасида Dodge, Ram, Fiat ва Chrysler энг паст кўрсаткичлар билан баҳоланди. Биринчи бор рўйхатга киритилган Tesla ҳам ишончсиз автомобиллар қаторидан ўрин олди.
Ўтган йилга нисбатан Infiniti энг юқори ўсишга эришди: компания автомобиллари бир йўла 16 қатор юқорилади ва 8-ўринни эгалади. Subaru, Volvo ва Volkswagen эса мавқеларини сезиларли даражада бой берди.
Изоҳ (0)