Япониянинг Toyota Motor компанияси Takata томонидан ишлаб чиқарилган ва баъзида пиропатрони ўзидан ўзи ишлаб кетадиган хавфсизлик ёстиқчаларидаги муаммо сабаб жаҳон бўйича 5,8 миллион дона автомобилини чақириб олади. Бу ҳақда «Интерфакс» хабар бермоқда.
Хабар беришларича, компания 2000 йил май ойидан 2001 йил ноябрига қадар, шунингдек, 2006 йил апрелидан 2014 йил декабрига қадар ишлаб чиқарилган автомобилларни, хусусан, Corolla ва Yaris моделларини чақириб олмоқда.
Мазкур жараён доирасида Японияда 1,16 миллион дона автомобиль, Хитойда 820 мингта, Европада эса тахминан 1,47 миллион дона автомобиль чақириб олинади.
Чақирувга тушган машиналар Марказий ва Жанубий Америка, Африка, Яқин Шарқ мамлакатларида, шунингдек, Сингапурда ҳам сотилгани айтилмоқда.
Маълумот учун, Toyota Corolla жаҳонда энг кўп сотилувчи автомобиллардан бири саналади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)