Samsung компанияси Galaxy Note 7 нинг ёниш сабабини аниқлашнинг имкони бўлмагани боис навбатдаги флагман ишланмаларини икки ҳафтага тўхтатди. Бу ҳақда, The Wall Street Journal нашрига асосланиб, TJournal хабар бермоқда.
Айтилишича, компания мутахассислари Note 7 аккумуляторидаги ўт кетиш билан боғлиқ нуқсонни аниқлай олмади, шунингдек, бу ҳолатни лаборатория шароитида қайта тиклашнинг ҳам уддасидан чиқмади. Даставвал нуқсон аккумуляторда деган фикр мавжуд эди, аммо бошқа ишлаб чиқарувчидан олинган батареялар билан жиҳозланган ускуналарда ҳам ёниш қайталанди.
Экспертлар эндиликда бунинг асл сабаби сифатида ускунага ўрнатилган дастурий таъминотни кўрмоқда. Аммо аниқ жавобнинг йўқлиги боис компания янги Galaxy S8 смартфони устида олиб борилаётган ишларни икки ҳафтага тўхтатиб турди. Бу чоралар гаджетнинг чиқиш санасига таъсир ўтказиш-ўтказмаслиги ҳозирча номаълум.
Изоҳ (0)