Англиянинг “Манчестер Юнайтед” клуби “Реал Мадрид” ярим ҳимоячиси Орельен Тчуамени трансфери юзасидан расмий таклиф билан чиқди. Бу ҳақда El Chiringuito нашри хабар берди.
Манбаларга кўра, “қизил иблислар” франциялик футболчини 90 миллион евро эвазига сотиб олмоқчи. Бироқ “Реал Мадрид” устози Хаби Алонсо бу трансферга розилик бермаган. Клуб ички манбаларига кўра, Тчуамени бош мураббий томонидан “тегиб бўлмас” футболчи сифатида кўрилмоқда.
“Манчестер Юнайтед” бош мураббийи Рубин Аморим франциялик футболчини таянч ярим ҳимоя чизиғида синаб кўрмоқчи. Бундан ташқари, футболчининг турли позицияларда ўйнай олиш қобилияти клуб раҳбариятининг эътиборини тортмоқда.
Шунингдек, “қизил иблислар” “Реал Мадрид”нинг бразилиялик ҳужумчиси Родригога ҳам қизиқиш билдирмоқда. Ҳозирда Премьер Лиганинг бир нечта жамоалари ушбу футболчига харидор бўлиб турибди. Ҳужумчининг клубдан кетиш эҳтимоли юқори. Сабаби Родриго кўпроқ ўйин амалиётига эга бўлишни истайди.
Маълумот учун, ҳар икки футболчи — Тчуамени ва Родригонинг ҳам “Реал” билан шартномаси 2028 йилнинг ёзига қадар амал қилади.
Изоҳ (0)