Falcon 9 ракетасининг шу йил сентябрь ойида портлаши ишлаб чиқаришдаги носозлик билан эмас, ёқилғи тўлдириш жараёнига боғлиқ. Қурилмани тайёрлаган Илон Маск раҳбарлигидаги SpaceX компанияси мутахассислари шундай дастлабки хулосага келди, дея хабар беради «ТАСС».
The Wall Street Journal манбаларига кўра, компания мутахассислари Канаверал бурнидаги космодром парвоз майдонида содир бўлган ҳолатни икир-чикиригача тиклашга ҳаракат қилмоқда. Асосий вазифа гелийли резервуар уни қуршаб турган ва ўта паст ҳароратгача совутилган суюқ кислород билан қандай алоқага киришишини аниқлашдан иборат. Чунки шу пайтгача космик саноатда суюқ кислороддан Falcon 9 каби оғир ракеталарда фойдаланилмаган.
Ёқилғи тўлдиришдаги муаммолар ҳақидаги тахмин компания учун афзалроқ, зеро SpaceX ортиқча машмашаларсиз элтувчи ракеталар парвозига киришиши мумкин. Ишлаб чиқаришдаги нуқсон ёки конструкциядаги носозлик ракетанинг барча қисмлари сифати синчиклаб текширилиши, бу эса бир неча ойга чўзилиши эҳтимолдан холи эмас.
Изоҳ (0)