Яман пойтахтида дафн маросимига уюштирилган ҳужумда 213 киши ҳалок бўлди

Яман пойтахти Санода дафн маросимига уюштирилган ҳужумда 213 киши ҳалок бўлди. Яна бир неча юз киши жароҳат олди. Бу ҳақда, «Ал Майадин» телеканалига таяниб, «Корреспондент.net» хабар бермоқда.

Мамлакат ички ишлар вазири отасининг дафн маросими Санода 8 октябрь, шанба куни бўлиб ўтган. Ҳужум оқибатида кўплаб мансабдорлар, жумладан, пойтахт ҳокими Абдулқодир Ҳилол ҳалок бўлгани билдирилмоқда.

Дастлаб Саудия Арабистони бошчилигидаги араб коалицияси дафн маросимига авиазарба бергани маълум қилинганди. Бироқ коалиция вакиллари ҳужумга алоқадор эканлигини инкор этди.