Пхеньян ҳеч қачон биринчи бўлиб ядро қуролини қўлламайди. Бу ҳақда КХДР вакили БМТ Бош ассамблеяси биринчи қўмитаси сессиясида маълум қилди, дея хабар беради «ТАСС».
«Мамлакатимиз Қўшма Штатлар томонидан таҳдидлар туфайли ўзини ҳимоя қилиш мақсадида ядро қуролига эга бўлди ва суверенитети бузилмаса, уни ҳеч қачон биринчи бўлиб қўлламайди. АҚШ айби билан Корея ярим ороли реал уруш хавфига дуч келмоқда. Шу сабабли КХДР бундан кейин ҳам ўзининг Америка таҳдидларига қарши туриш ва шимоли-шарқий Осиё ҳамда бутун дунёда хавфсизликни таъминлашга имкон берувчи қудратли, тийиб турувчи ядро аслаҳаларига таянишда давом этади», — дея таъкидлади Шимолий Корея вакили.
КХДР вакили БМТ Хавфсизлик кенгашини Пхеньян томонидан амалга оширилган ядро синовлари ва ракета учиришлари қораланган «асосланмаган баёнот ва резолюциялар» учун танқид қилди. Унга кўра, кенгашнинг бундай ҳаракатлари БМТ Уставига зид ҳисобланади.
Изоҳ (0)